Alejandro Portes Premiu Princesa d' Asturies de Ciencies Sociales 2019

Aconceyáu n'Uviéu'l xuráu del Premiu Princesa d'Asturies de Ciencies Sociales 2019, integráu por M.ª Paz Battaner Arias, Adela Cortina Orts, Sir John Elliott, Juan Pablo Fusi Aizpurúa, Silvia Iranzo Gutiérrez, Manuel Menéndez Menéndez, Montserrat Moreno Marimón, Sami Naїr, Emilio Ontiveros Baeza, Jaime Pérez Renovales, Rafael Puyol Antolín, Isaac Querub Caro, Myriam Seco Álvarez, Fernando Vallespín Oña, presidíu por Carmen Iglesias Cano, Condesa de Gisbert, faciendo de secretariu Mauro Guillén Rodríguez, acuerda conceder el Premiu Princesa d' Asturies de Ciencies Sociales 2019 al sociólogu y demógrafu estadounidense d' orixen cubanu Alejandro Portes.

El profesor Portes desendolcó fundamentales aportaciones al estudiu de les migraciones internacionales, unu de los grandes desafíos pa les sociedaes contemporanees. Al traviés de conceutos novedosos como los d'enclave étnicu ya integración segmentada, esclarió les condiciones so les que los fluxos migratorios pueden resultar beneficiosos tantu para los inmigrantes como para los países d'acoyida. Amás de les sos contribuciones a la conocencia de les minoríes n'Estaos Xuníos, fixo numberosos trabayos en Llatinoamérica y n'España, onde foi mentor y collaborador de delles xeneraciones d'investigadores. El xuráu quier destacar coles mesmes les sos contribuciones al campu de la socioloxía económica y al analís de la economía informal.