Convocóse'l premiu “Muséu Barjola” na so cuarta edición

11.08.2020

Convocóse'l premiu "Muséu Barjola" na so cuarta edición.

Van poder presentase a esti premiu tolos artistes plásticos asturianos o residentes nel Principáu d'Asturies.

La convocatoria tien por oxetu la concesión del premiu d'artes plástiques que lleva'l nome de "Premiu Muséu Barjola" na so cuarta edición destináu a la realización d'un proyectu espositivu especialmente creáu para la Capiya de la Trinidá del Muséu Barjola de Xixón.

El premiu ye de cinco mil euros y va poder declarase ermu si a xuiciu del xuráu la calidá de los trabayos que se presenten asina lo aconseyara.

Les obres pueden presentase hasta'l día 10 de setiembre de 2020 a traviés del formulariu que s'atopa disponible na see electrónica del Principáu d'Asturies www.asturias.es, portal nel que ta publicada la ficha de serviciu que puede alcontrase introduciendo'l códigu PREM0018T01.

Les bases puedes consultales calcando na imaxen de la Capiya de la Trinidá .