El cuartetu guitarra clásica EntreQuatre, protagonista de la segunda “Sesión Vermú” del Centru Niemeyer.

Tres l'ésitu de públicu de la primer "Sesión Vermú", el domingu 13 a les 13:00 la Cúpula del Centru Niemeyer va acoyer la segunda cita d'esta actividá.

Amás del conciertu, el públicu tien la posibilidá d'adquirir una entrada qu'inclúi un aperitivu y cóctel pa tastiar tres l'actuación.

"Sesión Vermú" ye una nueva actividá periódica programada pel Centru Niemeyer que se desenvuelve un domingu de cada mes na Cúpula so la forma d'un conciertu de música clásica, siguíu de, pa quien lo deseye, un cóctel en Niemeyer Lounge & Café, la cafetería del Centru Niemeyer.

El pasáu 16 d'ochobre'l Cuartetu Morricone inauguró esta nueva actividá con toles entraes vendíes y el domingu 13 de payares a les 13:00 va ser el cuartetu de guitarra clásica EntreQuatre quien protagonice esta segunda cita de la Sesión Vermú".

EntreQuatre ta compuestu polos guitarristes Carlos Cuanda, Carmen Cuello, Manuel Paz y Jesús Prieto y na so actuación van interpretar obres escrites especialmente pa la formación d'autores como Flores Chavaiano, Javier Blanco, Leonardo Sánchez o Miguel del Águila.

En 2009, xusto cuando celebraba los sos 25 años, EntreQuatre recibió una de les reconocencies más importantes de la so hestoria al ser nomada a los Grammy's Llatinos la obra "4 Asimetríes" d'Orlando Jacinto García interpretada pol cuartetu.

Al cumplir 30 años, en xineru de 2016, EntreQuatre realiza con enorme ésitu l'estrenu del segundu conciertu pa cuatro guitarres y orquesta de Flores Chaviano al pie de la Sinfónica del Principáu d'Asturies y con dirección de Oliver Díaz.

EntreQuatre realizó un gran númberu de xires n'Europa, Estaos Xuníos (9) ya Iberoamérica, Suráfrica y La India. Tamién se presentó en numberosos festivales como l'I Andrés Segovia In memoriam, II Festival de Guitarra de Sao Paulo compartiendo conciertu con Egberto Gismonti, VI Festival de Música Contemporanea de Salamanca, XIII Festival Internacional de Música Contemporanea d'Alicante, Music Festival FIU 99 de Miami, Festival Internacional de Santander, el Festival hispanu-lusu Península de Músiques, Festival Internacional de Quito, etc.

Amás del Carnegie Hall de Nueva York en 2004, EntreQuatre actuó nel Auditoriu Nacional de Madrid, en salar Llutosławski de Varsovia, sala Cecilia Meireles de Rio de Janeiro, National Concert Hall de Dublín, Concert Hall de la Universidá de Pretoria, Reina Sofía de Madrid, Auditoriu de Brasilia, Auditoriu de la Biblioteca Luis Ángel Arango de Bogotá, Sala Carlos Chávez de la Universidá Autónoma de México, The Newberry Library de Chicago, Carnegie Music Hall de Pittsburg, see central de la OEA en Washington xuntu al Coru Príncipe d'Asturies, y see central de Naciones Xuníes en Nueva York.

Les entraes pa esti conciertu tán a la vienta al preciu de 5 €. Aquellos que, tres el conciertu, quieran esfrutar d'un cóctel en Niemeyer Lounge & Café, van poder faelo adquiriendo la so entrada por 7 €. Les entraes pueden adquirise nes recepciones del Centru Niemeyer y de Llaboral Ciudá de la Cultura en Xixón, en www.liberbank.es, nel 902 106 601 y en Liberbank - entraes.

Cine per partida triple cola película "Florence Foster Jenkins"

Esta selmana, la cita col séptimu arte nel Cine Niemeyer trai una película con pase múltiple: "Florence Foster Jenkins", una comedia de Reinu Uníu con Meryl Streep y Hugh Grant nos papeles protagonistes y Stephen Frears como director. Les proyecciones van tener llugar los díes 10, 11 y 13 de noviembre a les 20:00.

La cinta narra la hestoria real de Florence Foster Jenkins, una muyer que, al heredar la fortuna del so padre, pudo cumplir el so suañu d'estudiar pa ser sopranu. El problema yera qu'escarecía de talentu, pero la xente allegaba a los sos recitales pa comprobar si de verdá yera tan mala cantante como dicíen los críticos.

Les entraes tán a la vienta por 5 €, 3 € pa los socios del Club Cultura que la adquieran hasta'l día antes de caúna de les proyecciones. Les entraes pueden adquirise nes recepciones del Centru Niemeyer y de Llaboral Ciudá de la Cultura en Xixón, en www.liberbank.es, nel 902 106 601 y en Liberbank - entraes.