Gwendal nel Centru Niemeyer

26.05.2018

El domingu 27 de mayu a les 19:30 la hestórica formación bretona cumple 45 años y xúbese a los escenarios col so últimu discu, "Life in Getxo".

Dempués de 45 años la mítica formación de música celta Gwendal percuerre los escenarios d' España col so últimu discu, "Life in Getxo", nun conciertu aniversariu que cuntará tamién cola presentación del primer discu del gaiteru asturianu Rubén Alba, titulado "Despertar".

L'universu musical de Gwendal afonda'l so raigañu nes tierres celtes. Dende la so creación, nel añu 1972, el grupu compón lo esencial de los sos temes inxertando les influencies del rock, jazz, folk y la música clásica de caún de los sos componentes. Les composiciones ya igües son, por tanto, un trabayu coleutivu.

Una vez compuestos, los temes son interpretaos nel escenariu, y cola dinámica de los conciertos evolucionen al contautu col públicu. Too esto ocurre enantes pasar pol estudiu de grabación. D'ehí la frescura y madurez de los sos discos.

Tantu prensa como públicu reconocen a Gwendal como una de les principales formaciones musicales responsables del renacimientu cultural y a l' aparición del entusiasmu pola música célta.

Durante estos 45 años d' andadura ficieron más de mil conciertos en países de tol mundu. Actuaron en dellos festivales como, por exemplu, Tabarra (Túnez), Recklinghausen (Alemania), Lucca (Italia), Nyon (Suiza), Fiesta de la Humanidad (Francia) y fae poco en Den Bergen, nel Intercélticu de Lorient, Roskilde... Dalgunos de los países que visitaron en xira son Francia, Italia, Irlanda, Bélxica, Suiza, Holanda, Alemaña, Dinamarca, Portugal y España.