Inauguración de "Los beneficios de la maleza"

La Galería uvieina Lucía Dueñas inaugura esti xueves 6 de setiembre la esposición de l'artista xixonesa Belén García Montoya, Begmont, dientro del programa " Apertura Oviedo 2018" empobináu pola Asociación de Galeríes y Espacios Espositivos d' Uviéu, cola qu'entama la temporada artística 2018/2019.

La esposición titulase "Los beneficios de la maleza" y el xueves 6 a les cinco la tarde va tener llugar la inauguración de la mesma, colos últimos trabayos de l'artista xixonesa. El vienres 7 va tar dedicáu dende les 17.30 hores hasta les 18.30 hores a los más pequeños (de 4 a 9 años) con un cuentacuentos basáu nel llibru "Pallabres pa Martín", de Cristian David ya ilustráu por Begmont. Esi mesmu día, a partir de les 19 hores va haber esposición y vienta d'ilustraciones orixinales, llámines, ilustra-móviles-escultura y broches de l'autora.