L' artista Breza Cecchini Ríu gana'l Nicanor Piñole

30.11.2020

L'artista uvieina Breza Cechini Ríu resultó ganadora nel XXIV Certame de Pintura Nicanor Piñole cola obra "Galope Tendido", escoyida por un xuráu espertu d'ente los 15 cuadros colos que s'acaba d'inaugurar l'habitual esposición conmemorativa, na Casa de la Mocedá, d'ente les 250 creaciones que se presentaron a concursu.
El cuadru ganador, una amazona yacente sobre un caballu n'actitú de derrota o escosamientu, foi calificada pol xuráu como una pintura "espresiva que reflexa un universu personal, bien emocional ya intuitivu y un tanto oníricu". La obra, "n'apariencia inocente, supón amás una muestra d'una economía nel usu de los recursos pictóricos en favor de los sentimientos".
Berta Cecchine Ríu, nacida n'Uviéu, recibió formación na Escuela d'Arte d'Uviéu y n'estudios y fundaciones privaes. Espunxo en numberoses ocasiones a títulu individual y en proyectos colectivos tantu n'España como a nivel internacional, siendo la so obra escoyío y premiao en distintes convocatories. Como participante n'anteriores ediciones nel Certame Nicanor Piñole, recibió dellos accésits colos trabayos presentaos.
"Galope Tendido", que pasa a formar parte de los fondos pictóricos del Conceyu, va poder vese hasta'l 18 d'avientu, xunto una muestra de les meyores obres presentaes al certame, na Casa de la Mocedá, en Sotrondio, con cita previa, llamando al teléfonu 985 67 01 22.
El xuráu del Piñole compúnxolu l'artista Juan Fernández Álava y los críticos y comisarios de arte Natalia Alonso Arduengo y Pablo Rodríguez Fernández de la Vega.