LLIBROS NA CAI

CAMPAÑA LLIBROS NA CAI

Equipamientos culturales, centros sociales, establecimientos hosteleros y tablones d' anuncios de Samartín del Rei Aurelio enllénense estos díes de textos d' autores locales cola campaña LLIBROS NA CAI, dientro les actividaes que  tan desendolcándose nel conceyu pa celebrar el Día del Llibru.

LLIBROS NA CAI compónse d' una colección de fragmentos lliterarios d'estremaos autores de Samartín del Rei Aurelio que se tan exponiendo individualmente nos  centros sociales, colexos , establecimientos hosteleros y tablones d' anuncios; y de manera coleutiva n'una exposición na Casa  la Xuventú en collaboración cola Asociación Bicentenariu de Samartín del Rei Aurelio.

Col oxetivu de fomentar la lletura y sacar la obra lliteraria a la cai d' autores del conceyu en castellán y n'asturiano muéstrense textos acompañaos de les portaes del llibru col fin de despertar l' interés nos usuarios acerca del llibru o l' autor o l' autora.

Nesta primera fase de LLIBROS NA CAI apaecen autores como Gaspar García Laviana, del que se presentó fae poco'l so poemariu CANTOS DE AMOR Y GUERRA con motivu del 40 aniversariu de la so muerte y la sotrondina Eva Barro que presentará'l s0 llibru UN HOMBRE NORMAL el 2 de mayu na Casa la xuventú de Sotrondio, xunto a Alfonso Zapico, Ana Rosa Fernández, Casimiro Torre González, Chechu García, Dani Orviz, Gonzalo G. Barreñada, Henrique G. Facuriella, Juan Ramón Antuña, Laura Fjäder, Luís Iglesias Huelga, Manuel Asur, Manuel Neila, Mar Rozada, Marcelino Iglesias, Nicanor Rozada García, Pablo Rodríguez Medina, Vanessa Gutiérrez, Xose Ramón Martín Ardines, Xulio Arbesú y Xulio Berros.