Nairo Quintana gana la primera etapa de la Vuelta Asturies

30.04.2021

Cumplióse'l pronósticu y na meta de La Pola L.lena pasó'l primeru'l colombianu Nairo Quintana, del equipu Arkea, el candidatu con más opciones por cuenta del so palmarés, con una Vuelta a España, un Giro d'Italia y dellos podios nel Tour de Francia.

Por detrás d'él llegaron segundu l'español Antonio Pedrero, del equipo Movistar, y terceru'l francés Pierre Latour, del Team Total Direct Énergie.. Los primeres clasificaos tuvieron qu' acortar la distancia que tomaren primeramente los grandes protagonistes del día, el portugués Daniel Viegas, del Eolo-Kometa, y l'español José Gutiérrez, del Gios, que fueron en cabeza casi dende la salida n'Uviéu y a los que vemos pol so pasu en Sotrondio.

Calca na imaxen pa conocer toles noticies de la 63 Vuelta Asturies al traviés de la so páxina web.