Nuevu discu de Les Pelayes

Les monxes benedictines del Monasteriu de San Pelayo, acaben publicar el so séptimu discu, "Cítara y Lira. Como incienso en tu presencia" ye una grabación bien novedosa, porque ye instrumental, a pesar de qu'estes relixoses son más conocíes por haber calteníu dende fai más d'un mileniu de forma ininterrumpida'l cantar gregorianu. Son l'únicu coru femenín en toa Europa que nun abandonó enxamás esta tradición.

El CD recueye composiciones de distintes dómines y distintos autores, anque siete d'elles son de Sor Ánxeles Álvarez Priendes, la relixosa que toca la llira de conciertu, un preséu de percusión que consiste nun xuegu de llámines similar al xilófonu. La cítara ta al cargu de Sor María Cuadonga Querol de Bascarán, con un preséu del Monasteriu fabricáu por monxos benedictinos d'En Calcat, en Francia, bien evolucionáu sobro aquellos qu'apaecen representaos nos relieves del Exiptu faraónicu de fai 4.000 años, con un orixe oriental inclusive más antiguu.

El discu, que foi grabáu na ilesia del Monasteriu de San Pelayo los díes 30 y 31 de mayu de 2017, ta a la vienta na tienda del cenobiu al preciu de 12€