Segunda Xornada Clasificatoria del XXII Concursu de Canción Asturiana

Segunda Xornada Clasificatoria del XXII Concursu de Canción Asturiana de Samartín del Rei Aurelio celebrada 'l 17 de xineru de 2020 nel Aula Cultural La Plaza de Sotrondio,organizada pola Asociación de la Canción y el Folklor de Samartín del Rei Aurelio col patrociniu del Ayuntamientu de Samartín del Rei Aurelio, Caja Rural de Asturias, SOMA-FITAG y la collaboración de Radio San Martín y La Nueva España
Entamó cola interpretación de "La muñeira del Gaiteru Llibardón" pol gaiteru oficial del concursu Ramón García.
Luis Alberto M. Ardines presentó a continuación, na categoría d' aficionados, a Guzmán González Gutiérrez, de Llugones, que cantó a la gaita les canciones  "Ya tá espigando'l maíz" y "Tengo'l llabiegu estropiáu". Na categoría absoluta masculina, José Manuel García Álvarez, de Mieres, interpretó "Los xatiquinos" y "Tengo de subir al puertu". Na categoría d' aficionaos, Jaime Yáñez Díaz, de Mieres, interpretó "Cuando Dios fixo la vida" y "Marchó Pachín pa la siega". N'aficionaes intervino  Raquel Gutiérrez Álvarez,de Llaviana, coles  "Soi de Pravia" y "Onde yo me pueda ir". Na mesma categoría,nel apartáu masculín Antonio Campo Chacón, d'Uviéu, interpretó les canciones "Déxame pasar que voi", "Dos villes tien LLangréu" y, nel apartáu de canción minera, "Mineru quiero ser madre".

N' absoluta masculina, actuó Hermenegildo González Arias, de Tinéu, que cantó a la gaita "Per debaxo del puente" y "Dicen que tú y yo, morena". Na categoría infantil, Manuel Valle Cué, de Cangas de Onís, interpretó "Los gües de Xuana" y "Tengo cuatro vaques roxes". "Carretera de Cualloto" y "Ónde vas madrugaora" fueron los cantares interpretaos por Maribel Fernández Fernández, de Grao, na categoría d' aficionaes. Na d' aficionaos, José Luis González Rodríguez, d' Avilés, cantó "Adiós llugarín de Pío" y "De la raíz del manzano",  y "La carbonera", dientro del apartáu de canción minera. Andrea Alonso Palacios, d' Uviéu, na categoría de menor de dieciocho años,interpretó "Carromateros" y "Debaxo d'una panera".

Marta Martínez Grande, de Cantabria, na categoría absoluta femenina, interpretó "Camino de la montaña" y "Aquellos gües". N' absoluta de varones, José Manuel Pérez Rodríguez, de Cangas del Narcea, cantó a la gaita  "L'aire m'apagó la vela" y "Acarretando maera".Y n'absoluta masculina, Fernando Fernández Entrialgo, de Xixón, interpretó "Texeora de Bayu" y "Al pasar la Colladona".
Despidió la segunda eliminatoria la gaita de Ramón García.