Svante Pääbo Premiu Princesa d' Asturies d' Investigación Científica y Técnica 2018

El xuráu del Premiu Princesa d'Asturies d'Investigación Científica y Técnica 2018, integráu Arturo Álvarez-Buylla Roces, Juan Luis Arsuaga Ferreras, Juan Ignacio Cirac Sasturáin, Miguel Delibes de Castro, Cristina Garmendia Mendizábal, Álvaro Giménez Cañete, Clara Grima Ruiz, Marta Martínez Alonso, Amador Menéndez Velázquez, Sir Salvador Moncada, Ginés Morata Pérez, Enrique Moreno González, Teresa Rodrigo Anoro, Inés Rodríguez Hidalgo, María Vallet Regí, presidíu por Pedro Miguel Echenique Landiríbar y faciendo de secretariu Santiago García Granda, alcuerda conceder por unanimidá'l Premiu Princesa d'Asturies d'Investigación Científica y Técnica 2018 al biólogu suecu Svante Pääbo por desenvolver métodos precisos para l'estudiu del ADN antiguu que dexaron la recuperación y l'analís del xenoma d'especies sumíes fai cientos de miles d'años.
Svante Pääbo abrió un nuevu campu d'investigación, la paleogenómica, que fixo posible conocer la evolución recién de numberoses especies, incluyida la humana. Particularmente relevante ye la secuenciación del xenoma de los neandertales y l'afayu de que xenes d'estos y otros humanos extintos formen parte del mancomún xenéticu de la Humanidá. Los sos descubrimientos obliguen a reescribir la hestoria de la nuesa especie.