VIII Selmana Máxica

La "VIII Selmana Máxica" ta desarrollándose con gran éxitu en Xixón y Siero .
José Armas falonos de maxa, mentalismu y otres disciplines que cada añu danse cita enllenando'l Teatru Xovellanos de Xixón , l'Auditoriu de Siero y los centros culturales, cais y places onde se desarrollen les numeroses actividaes de la selmana máxica.

Tres l'ésitu de les ediciones anteriores vuelve'l festival internacional "VIII Selmana Máxica" de Xixón, so la dirección artística de José Armas " El Ilusionista". Una vegada más, el so actu central va ser la Gran Gala Internacional de Maxa qu'agotó los miles d'entraes a la vienta n'anteriores ediciones y que va axuntar nun mesmu espectáculu a dalgunos de los meyores magos del mundu llegaos d'estremaos países .

La Gran Gala Internacional de Maxa tendrá llugar el vienres 28 a les nueve la nueche,l sábadu 29 a les cinco y media nueve la nueche y el domigu 30 a les doce y cinco y media nel Teatru Xovellanos de Xixón y el 1 de xineru a les ocho la tarde nel auditoriu de Siero.

Nesta Gran Gala van participar cinco de los más prestixosos ilusionistes del panorama internacional. Como n'años anteriores vamos poder esfrutar de les distintes disciplines del ilusionismu representaes caúna d'elles polos sos máximos esponentes a nivel mundial, que nos dexará vivir en directu númberos de maxa hasta agora namás accesibles al traviés de les grandes cadenes de televisión del mundo: Magus Utopia, (Países Baxos) campeón de grandes ilusiones; Po Cheng Lai, (Taiwán), campeón de manipulación;Riversson, campeón de maxa xeneral; Alberto Figueiredo, campeón de maxa risible y de cerca; Lautaro, campeón de maxa con palombos y prestidixitación.

La VIII Selmana Máxica pesllarase'l vienres 4 de xineru nel Teatru Xovellanos a les ocho y media la tarde cola actuación d'Anthony Blake.

Tola información puedes atopala en: https://www.semanamagicadegijon.es/