Voces, la llingua asturiana al traviés de los sieglos

19.09.2018

El Muséu Arqueolóxicu d'Asturies n'Uviéu acueye una esposición sobre la historia de la llingua asturiana coincidiendo colos Centenarios de Cuadonga, baxo'l títulu "Voces, la llingua asturiana al traviés de los sieglos" que va desendolcase dende'l 26 de setiembre hasta'l 14 d'ochobre .

Trátase d'una muestra didáctica y divulgativa de 25 paneles que van acompañaos d'otros materiales, como videos, colos que se fae un percorríu dende la Prehistoria hasta la Transición, cola llegada del Estatutu d'Autonomía.