XXIV Certame de Pintura Nicanor Piñole

La Casa la Xuventú de San Martín del Rei Aurelio en Sotrondio acueye la esposición del XXIV Certame de Pintura Nicanor Piñole que puede visitase hasta'l 18 d'avientu, solicitando cita previa nel teléfonu 985 67 01 22.

BREZA CECCHINI GANA LA XXIV EDICIÓN DEL PREMIU DE PINTURA NICANOR PIÑOLE COLA OBRA "GALOPE TENDIDO"

La edición de 2020 consigue'l record de pintures participantes, 256, de les cuales el xuráu escoyó 15 finalistes.

El xuráu fizo una selección de quince obres finalistes ente les doscientes cincuenta y seis que se presentaron al Certame. Caúna d'estes obres escoyíes destaca pola so calidá artística y el conxuntu ye bien heteroxéneu, tanto no que se refier a motivos como a técniques. Na selección d'obres finalistes pueden vese diversos modelos tantu d'astracción como de figuración, toes elles representatives de les tendencies del arte actual.

Les obres finalistes escoyíes y los sos autores son:

1. Esperanza. De la serie "Como las abejas a la miel", de Jorge Nava.

2. Motel, de Miriam Juan González

3. Galope tendido de Breza Cecchini Riu

4. Equilibrio, de Guadalupe Vallina Fernández

5. Alas de cristal, de Susana García Bravo

6. Sabores, de Viviana Guasch

7. Chica V, de Berto Martínez Tello.

8. Hexágonos en movimiento, de Pedro Blasco González

9. Polo Norte, d' Evelí Adam Orriols

10. Distopía, d' Olga Davó Alonso

11. Espacio deshabitado II, de Marta Cuezva Porras

12. Cien árboles, cien heridas, d' Agustín García Martínez

13. Lime, d' Aleksandra Putintseva

14. En verde, d' Encarnación Domingo Martínez

15. Espera, de Pilar Buitrago Cubaque

D'ente toes elles el xuráu falló como ganadora la obra "GALOPE TENDIDO" de Breza Cecchini, sobre la pintura los xuraos ficieron una magnífica valoración de la obra:

"na obra ganadora, "Galope Tendido", la vibrante contradicción ente'l títulu y l'actitú de les dos figures protagonistes, con un caballu arrodilláu y una amazona yacente sobre él, derrotaos o agotaos, sirve a Breza Cecchini pa dar rienda suelta a una pintura bien espresiva ensin necesidá de munchos colores nin pincelaes. Tou na so xusta midida." Amás destaquen "el calter n'apariencia inocente tantu del so trazu como de la so temática pero que despinten,a última hora, una obra que reflexa un universu personal, bien emocional ya intuitivu y un tanto oníricu. "Galope tendido" supón una muestra d'una economía de recursos a favor de la espresividá y el sentimientu."

Y conclúin: "La intensidá del dibuxu, con una llínea sinuosa pero firme que define a los personaxes, contribúi a crear una composición rotunda. Dichos personaxes asítiense nun primer planu conformando un únicu volume, nel que dambes figures dilúyense nuna sola. Al traviés d' un tratamientu del color un tanto austeru, l'artista crea un ambiente oníricu potenciando'l calter espresivu de les figures".